Статистичките податоци покажуваат дека Европската авто индустрија полека го губи здивот пред напливот на автомобили од Кина.
За прв пат во историјата, увозот на автомобили од Кина во Европската Унија, е поголем од извозот на автомобили произведени во земјите од Унијата кон Кина.
Според анализата на консултантската куќа – EY, експортот на возила и резервни делови во Кина, од земјите на ЕУ е намален за 34 проценти, и сведен на вкупни – 16 милијарди евра.
Анализата уште покажува дека Германскиот извоз во Кина е речиси преполовен од 2022 година до денес. Во исто време, увозот од Кина е зголемен за 8% на 22 милијарди евра.
Сериозен импакт врз Германија
Овој тренд е особено изразен во Германија, во која Кина веќе падна на шесто место по значење за Германската економија.
Ваквата состојба предизвикува силен импакт врз автоиндустријата во која бројот на вработени е веќе намален за околу 50.000 лица. Така, со вкупни 725.000 вработени, авто индустријата покажува најмала бројка во последните 14 години.
Отказни решенија беа врачувани во Mercedes-Benz, Volkswagen Group , како и во компаниите добавувачи на деловии системи – Bosch, Aumovio, ZF Friedrichshafen, и Mahle.
