Луксузно, отмено и во блескав стил, како што впрочем му прилега на еден италијански автомобилски бренд челниците на Alfa Romeo на езерото Комо во дводневниот настан FuoriConcorso 2025, ја претставија својата нова книга – Alfa Romeo 33 Stradale.
Книгата, која се очекува да биде вреден колекционерски примерок е посветена на генезата и историјата на сосема новиот супер спортски автомобил Alfa Romeo Stradale 33, кој започна да се произведува во минатата 2024 година, а ќе престане да се произведува кога ќе стигне до својот 33-ти примерок.
Новата книга, на посетителите им ја претстави Кристиано Фиорио, директорот на комуникации на Алфа Ромео. Погледнете во видеото што кажа на настанот г-динот Фиорио.
На евентот FuoriConcorso крај езерото Комо, што се одржува од 2019 година, и на кој се прославува автомобилската култура, честопати се одржуваат и разни, престижни настани, промоции и изложби на автомобили.
Оваа, 2025 година, темата на која главно се организираа настаните беше – Velocissimo – Italian Race Cars, што особено ги привлече фановите на италијанските спортски автомобили.
А во таа сфера, Алфа Ромео има многу адути… Па затоа, брендот ја изнајми вилата Sucotta, која ја трансформираше во “Casa Alfa Romeo,”, и во која на посетителите им прикажа околу 15 легендарни модели.
Меѓу ретките музејски примероци, во Куќата на алфа ромео се најдоа и моделите
6C 1750 Gran Sport од 1930 година,
Спортската Giulia TZ2 од 1965 година
33 TT 12 од 1975
GP Tipo 159 “Alfetta.” Од 1951 година… и уште многу други музејски примероци.
Легендарните историски модели на Алфа, како на уметничка изложба, полека водеа до кулминацијата – сосема новиот супер спортски автомобил Alfa Romeo 33 Stradale.
