Според последните продажни податоци од Dataforce, Американска Тесла, направи жесток камбек во Европа, во месец Март, оваа година.
Со 33.723 продадени автомобили, моделот Tesla Y направи огромен скок од 117%, споредено со Март, 2025 година и се најде на врвот на продажната листа во Европа.
Интересно е да се напомене дека моделот беше на 42-рото место во Јануари, 14-то место во Февруари, пред да избие на врвот во последниот месец од првиот квартал.
Експертите сметаат дека причина за овој скок, може да е внесувањето на опционалниот трети ред на седишта во Mодел Y, или за нијанса поефтините основни модели. Но како и да е, ова е одличен сигнал и импулс за разнишаниот технолошки џин на Елон Маск.
Зад Тесла во Март се позицинирани Nissan Qashqai со 27,832 продадени примероци и Renault Clio со 24,294 возила.
Добрите вести за Тесла не заираат овде, сериозен пораст од 55% прокнижи и Model 3.
Ако го анализираме целиот квартал од 2026 година, силниот скок во Март, сепак не беше доволен за лидерската позиција на Tesla Y.
Model Y со 51.468 возила е на втората позиција, зад лидерот Renault Clio со 55.763 продадени примероци.
Трети е VW Golf со 50.782 продадени возила, пред Nissan Qashqai (49.748) и VW T-Roc (49.291).
