Јапонскиот производител на автомобили Toyota, во соседна Грција, промовира нова услуга под името Toyota HomeCharge, специјален систем за полнење на батериите кај електричните и плаг-ин хибриди.
Услугата опфаќа бесплатни проверки, сертифицирана инсталација на полначите и комплетно управување на процесот преку апликацијата MyToyota app, со што преку мобилниот телефон сопствениците ќе може да го контролираат статусот на батеријата, историјата и времето на полнење.
Со секоја порачка на нов електричен или плаг-ин хибриден модел, клиентите добиваат бесплатна проверка на мрежата на лице место, како и предлог за монтажа на нови домашни полначи, за кои локалната компанија нуди 3 години гаранција, а ориентационата цена за монтажа на домашен полнач се движи околу 650 евра.
Ова е секако одлична комплементарна услуга за сите потенцијални клиенти на Toyota, па и на сите останати брендови на нови енергетски возила, со што дефинитивно ќе се обезбеди дополнителна доверба на возачите во овој вид на возила.
