Новата Corvette го покажа својот нов, освежен ентериер, во кој доминираат трите големи екрани (инструмент кластер од 14 инчи, инфотејнмент систем од 12,7 инчи и нов 6,6 инчен екран чувствителен на допир, додаден на левата страна од воланот).
Овој склоп на екрани делува навистина атрактивно, а она за што фановите на Corvette особено се среќни е што General Motors го слушнал нивниот глас и ги отстранил мноштвото копчиња во централната конзолата помеѓу возачот и совозачот.
Во централната конзола сега се поставени два отвори за чаши, USB-C порт и рачка за држење на совозачот (која може да е особено згодна ако возачот развие сериозна брзина на патот).
Со освежувањето, промени се направени само во ентериерот, надворешноста останува иста.
Доадени се само нови две бои – Roswell Green Metallic и Blade Silver Metallic.
Реклама
