Според последните информации во првиот семестар од 2026 година (јануари – јуни) Порше продаде 123.000 возила, што претставува пад од 10% споредено со минатата година, која беше прогласена за катастрофална за брендот.
Единствената светла точка во Порше, останува легендарниот модел 911, кој спротивно од брендовскиот тренд покажа раст од 19%, а кај него компанијата се соочува со друг поглед – а тоа е неможноста да се одговори на побарувачката.
Притоа миксот на продадени модели е сосема здрав, и во него влегуваат моделите со високи перфроманси GTS, Turbо и GT.
Во палетата на Порше, релативно позитивен, ако воопшто може така да се каже е и Cayeene, чиј пад на продажбата изнесува 9%.
Најсериозен пад е забележан во Кина, каде вкупната продажба во 2026 година е помала за огромни 32%.
Она што е јасно од продажните бројки е дека на Порше му претстои силна и исцрпувачка битка за темелно реорганизирање и враќање во позитивната зона, доколку тоа е воопшто можно со оглед на кризата во Групацијата, Европа и светот, како и се поизразената конкуренција која притиска од сите страни, особено од Кина.
