Во својата фабрика во Ајзенах, Германскиот производител OPEL, инаку дел од Групацијата Стелантис, воведува нова еколошка метода за нанесување на бојата на својот SUV модел – Grandland.
Со оваа метода, кај моделите кои имаат црн кров, а кои ги избираат околу 60% од клиентите кои го купуваат Грандленд, наместо досегашната метода на двослојна боја, сега се користи боење само со една наслага.
Со тоа фабриката секој месец штеди околу 80.000 литри вода, а сериозно ја намалува и потрошувачката на струја и затоплување.
Покрај ова, се намалува и емисијата на јаглероден моноксид за околу 580 тони годишно, а во процесот на боење се намалува и количината на создаден отпад.
Оваа метода, за прв пат била употребена во САД пред две години, а фабриката на OPEL во Ајзенах е првата од групацијата на Стелантис која ја применува во своите процеси.
Реклама
