Стручното жири составено од 82 автомобилистички новинарки од 55 земји, решија наградата Најдобар Автомобил на светот, да биде доделена на теренецот – Hyundai Santa Fe!
По направените тестирања на околу 80 автомобили, жирито на WWCOTY (Women’s Worldwide Car of the Year), етапно ги објавуваше своите резултати.
По категории, со признанија се здобија следните автомобили : MINI Cooper (градски автомобил), KIA EV3 (компактен SUV), Audi A6 e-tron (лимузина), Hyundai Santa Fe (голем SUV), Toyota Land Cruiser (4×4&Pick-up) i Porsche Panamera (спортски / луксузен автомобил).
Потоа, се направи и заедничко гласање од пет континенти на светот, по што Hyundai Santa Fe, беше избран за најдобар автомобил на светот, во избор на женските специјалисти.
Изборот е можеби малку чуден, бидејќи се работи за голем SUV кој е долг 4,8 метри, но треба да се појасни дека жирито не избира типично “женски” автомобил, туку автомобил за кој се вреднуваат возните својства, безбедноста, практичноста, технологијата, вредноста за вложените пари…
