Високите тарифи (царини) кои ги наметна администрацијата на Доналд Трамп, направија вистински хаос во автомобилската индустрија.
Иако генерално, истите беа наметнати за да се стимулира производството во Америка и заштити домашната индустрија, очигледно е дека од целата приказна се сериозно засегнати и домашните авто производители.
Најголемиот удар кој тие го очекуваат врз својата работа се царините на резервните делови кои се предвидени да стапат на сила на 1-ви мај, и кои ќе изнесуваат 25%.
Тоа значи дека деловите и системите, кои и Американските производители кои произведуваат автомобили во САД, ќе добијат сериозно повисоки производни цени, што значи дека на крајот, и тие ќе мора да ги зголемат цените на автомобилите, што, пак, сериозно може да влијае на побарувачката и продажбата на нивните автомобили.
Поради тоа, производителите General Motors, Toyota, Volswagen и Hyundai, пратиле писмо до луѓето од администрацијата на Трамп, изнесувајќи ги причините поради кои сметаат дека одлуката за високите царини може да биде девастирачка за нивниот бизнис и бизнисот на добавувачите на резервни делови.
Дали ќе се предомисли Трамп, и ќе ја одложи или модификува својата одлука, останува да видиме.
