На специјален настан, како што прилега на еден значаен модел од палетата, Mercedes-Benz го претстави својот нов луксузен, спортски модел Mercedes‑AMG GT 53 4‑Door Coupé.
Моделот е опремен со два моќни електрични, синхронизирани мотори кои заедно испорачуваат моќност од 400 kW (544 коњски сили) со вртежен момент од 800 Nm.
Вградена е иновативна, двостепена трансмисија која треба да ги подобри ефикасноста и динамичните својства.
Електричниот мотор поставен напред, делува како бустирачки мотор кој се активира и додава енергија кога тоа му е потребно на возилото.
Од 0 до 100 km/h возилото забрзува за 3.5 секунди, а максималната брзина е ограничена на 230 km/h, со можност истата да се зголеми на 250 km/h ако се избере опционалниот AMG Driver’s пакет.
Автономија до 800 км
Високоволтажната батерија има капацитет од 106 kWh, 800 волти и треба да испорача автономија од 800 километри со едно полнење.
Имитирање на звукот на шест цилиндри
Со помош на “AMGFORCE Sport+ driving” програмата и овој модел го имитира звукот кој го создава 3.0-литарскиот, 6 цилиндричен мотор од поранешниот модел Mercedes‑AMG E 53 Coupé, со што се прави напор да се одговори на желбите на возачите, да се заобиколи досадниот звук на електричните мотори и да се предизвикаат AMG емоции.
Спортски ентериер со фокус на возачот
Во ентериерот на Mercedes‑AMG GT 53 4‑Door Coupé, типично за спортските возила е поставено ниско седење.
Инструмент кластерот и инфотејнмент екранот се споени во едно.
Централниот екран со големина од 14 инчи е благо свртен кон возачот, со што се овозможува интуитивна операција. Се разбира, попотреба, може да се порача специјален екран и за совозачот.
На централната конзола која е фокусирана кон возачот се поставени и AMG логото, како и ‘GT’ амблемот. А во неа се интегрирани и наслон за рака, со затворена остава за предмети, две позиции за индуктивно полнење на паметни телефони и осветлени држачи за чаши.
Сончев покрив
За дополнителна возбуда се грижи и едноделниот стаклен покрив SKY CONTROL, кој во темно може да даде осветлени мотиви, грбови и тркачки знаменца.
