Leapmotor, дел од Групацијата Стелантис, го промовираше моделот Leapmotor T03 LCV, урбано, целосно електрично товарно возило, подготвено за урбано движење и пренос на мали товари.
Ванот е изведен од патничкиот модел Leapmotor T03, а T03 LCV е специјално адаптирано за употреба како лесно комерцијално возило, со компактни надворешни димензии.
Долг е 3,620 mm, широк 1,652 mm и висок 1,577 mm.
Вака спакуван нуди волумен за товарање од 657 литри и максимален товарен капацитет од 220 килограми.
Опремен е со електричен мотор со моќност од 70 kW (95 коњски сили) што испорачува вртежен момент од 158 Nm и ветува домет од 256 километри со полна батерија.
Батеријата има капацитет од 37,3 kWh а може да се дополнува на AC или DC брз полнач, при што од 30–80% батеријата се дополнува за околу 36 минути.
Интересно, за автомобил од овој тип, во ентериеротима и 10,1 инчен централен екран чувствителен на допир и 8 инчен дигитален инструмент кластер.
Во сериозен фокус е ставена и безбедноста – со предни, странични воздушни перничиња и воздушни завеси, задни сензори за паркирање и задна камера, како и бројни елементи на системите за асистенција на возачот ADAS.
Финализацијата на овие автомобили ќе се прави во Мирафиори фабриката во Торино, а цената ќе биде околу 14.600 евра + ддв.
