Новото електрично Twingo E-Tech, веќе се испорачува во земјите од Европската Унија.
За него, се вели дека има задача да ја врати атрактивноста на А сегментот на мали, градски автомобили, кои некако го загубија ритамот во Европа, пред се’ од SUV моделите, но и да ја направи електромобилноста достапна за сите.
Колку е достапна, со почетна цена од 20.000 евра, тоа е веројатно прашање за некоја друга дискусија.
Но она што е интересно кај новото Twingo, тоа е дека во изведбата од страна на Renault, користени се некои техники кои агресивно ги користат Кинеските конкуренти.
Прво, Twingo се креираше во рекорден рок од 100 недели
На фабриката Renault и беа потребни само 100 недели (помалку од 2 години) за целосно да го смисли, дизајнира и изведе својот нов електричен автомобил.
Ова е отприлика двојно пократко време од времето потребно за ваков развој од пред неколку години.
За споредба, за Renault 5 и 4 на истата компанија и беа потребни три години!
Зошто е ова важно јасно дефинира техничкиот директор Седрик Комбреморел, кој изјави – брзината ви помага побргу да одговорите на пазарните трендови.
“Пред две години, ако имате гига фабрика ќе изберете литиумска хемија за вашите батерии. И вие сте на врвот на светот.. Денес, пазарот веќе ве прашува – зошто немате LFP технологија. Брзината во развојот е начин да и се овозможи на компанијата да донесе одлуки во последен момент. Замислете да може да дизајнирате автомобил само во еден ден. Ќе го знаете трендот на пазарот и ќе можете веднаш да дефинирате колкав е волуменот што ви треба. Се се врти околу брзината.” – дополнува Комбреморел.
За брзиот развој, секако големо влијание имаше и вештачката интелигенција, за што е направен специјален AI модел, со огромна датабаза на слики, фотографии, шеми кои ќе бидат користени од брендовите Renault, Alpine, Dacia и Mobilize.
Само 700 компоненти
Според официјалните податоци, новиот Twingo е направен само од 700 компоненти.
Што навистина делува дека е голема редукција, ако се земе предвид дека Renault 5 има 1.200 делови, а Clio – има 2.200 до 2.500 компоненти.
Со овие два чекори, Renault покажа поголема агресија и флексибилност, а тоа, веројатно е вистинската формула за да се борите со новите високотехнолошки конкуренти од Кина.
Погледнете ја нашата последна емисија на Youtube :
