Италијанскиот супербренд Lamborghini го одбра својот домашен терен, Италија, за да го претстави ултра персонализираниот спортски кросовер – Urus SE Tettonero Capsule.
За епицентар на промоцијата беше избрана дизајнерската недела во Милано (Milano Design Week 2026), каде Lamborghini на чело со Штефан Винкелман, го претстави моделот кој настана како резултат на соработката помеѓу Ad Personam Studio и Lamborghini Centro Stile.
Моделот доаѓа во шест бои Arancio Xanto, Bianco Asopo, Grigio Telesto, Viola Pasifae а за прв пат во понудата, тука се и : Giallo Tenerife и Verde Mercurius.
Во поглед на погонот, новиот Urus го движи плаг-ин хибрид, составен од 4,0 литарски V8 твин турбо, со 25,9 kWh батерија, електричен мотор и осум степен автоматски менувач.
Ова е доволно на спортскиот кросовер да му се обезбеди моќност од 789 коњски сили (588 kW) и вртежен момент од 950 Nm.
Од 0-100 km/h возилото забрзува за само 3,4 секунди, а максималната брзина изнесува 312 km/h.
Само на струја, автомобилот може да помине до 60 км.
На промоцијата присутсвуваа многу гости кои го имаат или сакаат да го имаат разјареното Италијанско бикче во својата гаража, а за љубовта и верноста Lamborghini возврати со многу емоции, луксуз и препознатлив Италијански стил.
