Aко мислевте дека на сликата го гледате ултра популарниот теренец – Land Rover Defender, погледнете подобро!
Се работи за моделот Fulwin X3L, кој го произведува Кинескиот производител на автомобили Chery, и кој навистина личи на Defender.
Fulwin X3L e долг 4.545 mm, широк 1.950 mm, a висок 1.815 mm, со меѓуоскино растојание од 2.783 mm.
А цената се движи од супер агресивни 14.500 до 18.000 евра.
Инаку, овој Азиски теренец е погонуван од Kunpeng Golden range-extender системот, кој ги комбинира 1,5-литарскиот турбо бензински мотор со моќност од 154 коњски сили, кои може да се комбинираат со еден или со два електромотори.
Верзијата со еден мото има моќност од 248 коњски сили и ги погонува задните тркала, додека варијантата со погон на сите тркала има моќност од 422 коњски сили со вртежен момент од 505 Nm, и од 0 до 100 km/h забрзува за само 4,7 секунди.
Само на струја, дометот на овој Кинески теренец изнесува 135 или 215 километри, додека во комбиниран режим, со полн резервоар на бензин,може да достигне 1.200 километри.
Ентериерот е модерен, едноставен, без претерани комплицирања, но сепак со голем централен екран со големина од 15,6 инчи.
