Германската компанија од Волфсбург, некогаш му го даде името на својот бренд Volkswagen (автомобил за народот)… Но како што покажуваат последните анализи на leasingmarkt.de , времињата се менуваат, а и популарниот Golf не им е достапен повеќе на сите.
Ако се земе дека стартната цена на нов Golf изнесува 29.400 евра во Германија, лице кое работи на пример, во продажба, треба да собере и издвои 14,9 нето плати за да купи нов Golf во основна верзија.
Еден наставник требада издвои 11,1 плати, а лекар од општа пракса 7 плати.
Анализата покажува и дека на директор на фирмата DAX, Голфот ќе му биде достапен за 0,11 плати – или за само 3 дена работа!
За моделот AUDI 6, пак чија цена се движи околу 55.000 евра, “народниот” aвтомобил им е достапен за околу две или повеќе години работа.
Како е кај нас?
Ако се земе предвид дека просечната плата кај нас е околу 700 евра, истата математика вели дека човек со просечни нето примања, нов Golf може да си купи за 42 месеци, а за AUDI A6 треба да работи – 78 месеци!
И притоа, треба да се претпостави дека во овој период, ќе има уште најмалку една плата во семејството за покривање на потрошувачката кошница и други трошоци на живот.
