Популарните Нероазури од Милано, фудбалскиот клуб Интер, добива нов спонзор. А тоа е Кинескиот производител на автомобили BYD кој незапирливо се шири во Европа и во светот.
Се чини дека луѓето од BYD одлично го избрале својот стратешки партнер, бидејќи Интер е еден од светските фудбалски клубови со најголем пораст на базата на фанови.
Во моментов истата се проценува на околу 533 милиони навивачи во светот, од кои дури 154 милиони доаѓаат од домашниот пазар на производителот на електрични автомобили – Кина.
Еден од најзначајните пазари за BYD е и Јужна Америка, каде според последните проценки Интер има околу 93 милиони навивачи.
Покрај финансискиот дел, BYD кој најавува силна офанзива и во Европа, на челниците и играчите на Интер ќе им обезбеди и 70 електрични автомобили.
Реклама
