Сушачите на раце ширачи на бактерии и вируси

53
Сушачи за раце, опасни по живот , Фото - Freepik

Страшната епидемија која го задеси човештвото не потсети колку е важно да се мијат темелно рацете и одржува сопствената хигиена.

Последните истражувања, уште еднаш потврдуваат дека е најдобро да ги избегнувате, колку е тоа можно, секако, јавните тоалети.

Но ако веќе морате да одите, топло ви препорачуваме да ги избегнувате автоматските сушачи на раце.

Според последните информации, сушењето на рацете со студен воздух, не само што не ги убива или намалува бактериите, туку ги шири насекаде во просторијата. Истото се случува и со сушачите кои испумпуваат жежок воздух, но во далеку помала доза.

Како тоа се случува?

По секое одење во тоалет и секое пуштање на вода, во воздухот се крева облак на бактерии и микроорганизми, кои се невидливи за човековото око. Кога ќе го вклучите сушачот за раце, тој го вшмукува воздухот затруен со бактерии – и истите, откако сте ги измиле рацете со сапун, ги враќа и таложи на вашите раце.

Тоа не значи дека автоматски ќе се заразите…

Некои од тие бактерии се безопасни за човекот кој стекнал имун систем, но може да бидат исклучително опасни за луѓе со паднат имунитет или некаква болест во себе.

Токму затоа во болниците, најчесто се користат хартиени бришачи.

Имајќи го погоре кажаното предвид, најдобриот совет кој може да се даде е да се користат, ако постојат во јавниот тоалет, хартиените бришачи… или да носите сопствени марамчиња и секако гел за дезинфекција на рацете.