05/10/2022
spot_img
домаАвто ВестиСпецијален годишен собир на Ferrari елитата

Специјален годишен собир на Ferrari елитата

На прсти се бројат автомобилските брендови во светот кои со купување на нивните автомобили ви отвараат нов свет на елитни доживувања, како што тоа го прави Италијанскиот супербренд – Ferrari.

Токму тоа е и целта на маркетинг експертите во Ferrari – oколу брендот да изградат престиж, страст и чувство за припаѓање на една специјално избрана, мала елита на луѓе.

За клиентите се дизајнираат специјални настани, на кои се учествува само со покана, а во ризницата на Ferrari меѓу најпознатите евенти од овој тип се – Challenge race series (Специјалнo oрганизирани трки за сопствениците на Ferrari во кои секоја година учествуваат околу 1.000 ентузијасти) или F1 Clienti track-car програмата во која фановите може да купат автомобил со едно седиште и да се тркаат на специјални авто спортски патеки.

А кога зборуваме за елитните настани во организација на Ferrari, на самиот врв е четиридневниот рели настан кој секоја година се одржува во различни региони во Италија наречен Cavalcade. И на кој, погодувате, може да се дојде само со специјална покана врачена од врвните луѓе во менаџментот на Ferrari.

За да ја добиете поканата за овој специјален настан, еден од основните услови е да имате купено неколку модели од најскапите спортски автомобили на брендот, со што добивате VIP статус.

А кога ќе ја добиете поканата, потребно е да уплатите уште околу 26.000 eвра по возило, со што се покриваат трошоците на луксузниот настан.

На тоа, VIP гостите од другите прекуокеански земји, треба да ги платат и трошоците за транспорт на нивниот автомобил во Италија, трошоците за патување (авион) и трошоците за сместување надвор од деновите на настанот (за себе и за сопатникот).

Но, овие трошоци воопшто не ги колебаат привилегираните сопственици на Ferrari. Напротив, најголемиот дел од поканетите, не само што присуствуваат на годишниот собир, туку и целиот свој летен одмор го планираат и организираат околу овој настан.

А на случувањето, околу 100-на најретки модели од гамата на Ferrari минуваат по специјално избрани патеки во најубавите предели и уникатниот пејсаж на Италијанските туристички центри.

Притоа, за безбедноста на конвојот се грижат локалните полициски службеници.

По патеката се организираат и повеќе станици (запирања) на кои возачите добиваат освежување, кафе и закуска, а минувањата на возилата низ Италијанските градови се проследени со огромен публицитет и претставуваат вистински туристички спектакл. Уникатна можност, на едно место да се видат најдобрите, најретките и најскапите автомобили на Ferrari.

Ручеците најчесто се организираат во приватни вили, со феноменална храна и освежувања.

А вечерите се луксузни и спектакуларни, со музика, koнцерти, забава, шоу, танчери и танчерки, спектакуларни огномети…понекогаш и на плажи осветлени со светлината на месечината.

Затоа… според луѓето на Ferrari, не станува збор дали избраните ВИП гости се подготвени да присуствуваат и да го платат овој годишен настан.

Според упатените, многу е поголем проблемот за сопствениците, ако по ова спектакуларно доживување, за следната година, не ја добијат очекуваната покана.

Погледнете го видеото… и за миг… видете како изгледа овој спектакуларен настан организиран само за Ferrari елитата во светот.

- Реклама -spot_img

Најнови содржини

- Реклама -spot_img

Најпопуларно

Неговото височество Golf GTI

0
И статистиката и емоциите, јасно покажуваат кој е најпродаваниот и најпосакуваниот модел на тркала на Европскиот континент. Легендарниот Golf, креиран во дизајнерскиот центар на брендот...

Златното момче на Хрватска. Балканскиот Елон Маск

0
Со само 33 години, роден е на 12 февруари 1988 година во Ливно, Босна и Херцеговина, Хрватот Мате Римац го живее својот сон. Тој веќе...

Пристигнуваат ли новите гуми без воздух?

0
Гуми кои нема да мора да ги пумпате со воздух. Гуми кои нема да се оштетуваат при контакт со ивичникот на тротоарот. Гуми кои нема да...

Kако да се заштитите од кражба на автомобилот?

0
Направената анализа на Националната Канцеларија за статистика на Англија и Велс, врз база на прибраните и обработени податоци за криминалните дејствија, презентираше неколку...

Аutodata влегува во наставниот процес во Македонија

0
Врвниот менаџмент на Автосообраќајниот училишен центар “Боро Петрушевски” од Скопје, продолжува со имплементација на иновативни проекти, кои имаат за цел да го унапредат и...