Што да правите ако со автомобил упаднете во вода?

62

Веројатно сте изгледале многу филмови, во кои главните протагонисти, наеднаш ќе се најдат со својот автомобил во вода.

Застрашувачка ситуација, нели…?

Сте се запрашале ли можеби, што треба да направите ако и вие се најдете во таква ситуација? Возите и наеднаш го губите тлото под тркалата на вашиот автомобил, влегувате во езеро и водата надоаѓа од сите страни…?

Логично, во оваа како и во сите животно загрозувачки ситуации од овој тип, најважно е да останете присебни и да реагирате најбрзо што можете.

Како што можете да видите и во видеото, совет на експертите во ваква ситуација е :

  • прво, да останете присебни
  • второ, веднаш да го отклучите безбедносниот појас,
  • трето, излезете што е можно побргу од возилото. Тоа веројатно ќе мора да го направите преку страничните прозори. Ако можете – отворете ги прозорците додека водата сеуште не навлегла во внатрешноста… Ако не – добра алатка што треба да ја носите со вас е оној мал уред со кој можете да го скршите стаклото, во случај на опасност. Погледнете го видеото за да видите како тоа изгледа во живо. И… излегувајте.. Што побргу.
  • четврто, ако има уште некој во автомобилот, помогнете му и нему (предност секако имаат деца) да излезат преку прозорите.

Во случај автомобилот да упадне во длабока вода, целата оваа операција треба да ја завршите за помалку од минута. Затоа, бидете присебни и подготвени.