Роналдо си купи ново милениче на тркала

61

Португалската суперѕвезда Кристијано Роналдо, ова лето, беше и сеуште е најголемата вест во светот на спортот.

Направи спектакуларен трансфер и се врати во клубот во кој започна да ја гради својата светска слава, Манчестер Јунајтед.

И во првите неколку натпревари за својот старо-нов клуб успеа да постигне четири гола, со што целосно го засени стартот на неговиот вечен противкандидат за титулата Фудбалер на годината, Аргентинецот Меси кој замина од Барселона во ПСЖ.

Роналдо, живее спортски, инвестира умно, но на јавноста и е добро познат и по неговата пасија – по добри, суперлуксузни и спортски автомобили.

Слободната проценка вели дека во гаражата на Роналдо одмараат автомобили во вкупна вредност од околу 20 милиони евра.

Во неговата колекција се вбројуваат неодамна купената Ferrari Monza со вредност од околу 1.6 милиони евра, 2.5 милиони вредниот Bugatti Chiron и 2 милиони вредниот Bugatti Veyron Grand Sport.

А неодамна, Португалскиот суперстар пристигна на тренинг со својот нов Bentley Flying Spur, синоним на Британската луксузна автоиндустрија.

Супер луксузниот автомобил на Британскиот Bentley, кој се проценува на “скромни” за горенаведените модели, 190.000 евра.

Flying Spur може да се избере во две варијанти, со 6.0 литарски W12 мотор (кој од 0 до 100 километри на час забрзува за само 3,7 секунди) или со 4.0 литарски V8 мотор (4,1 секунди).

А тоа, значи, дека оваа луксузна лимузина дава подеднакво ниво на адреналин и уживање (и ако го управувате сами или ако се наоѓате на задните седишта).

Роналдо, на папарацо сликите, беше уловен, на возачкото седиште, секако…