Пред продажба последните 40 Bugatti Chiron модели

110

Францускиот бренд Bugatti, кој неодамна од рацете на Volkswagen премина кај Хрватскиот претприемач Мате Римац, објави дека во производниот план преостануваат само уште 40 автомобили кои фановите може да ги порачаат и купат од моделот Chiron.

Chiron за прв пат се појави на Саемот во Женева во 2016 година.

Уште тогаш беше најавено дека моделот ќе се произведе во само 500 единици, и според достапната информација, Bugatti не планира никаква промена или зголемување на бројката.

Супер спортскиот автомобил кој од нула до сто километри на час забрзува за замо 2,5 секунди, со 8.0-литарски W-16 мотор и моќност од 1.479 коњски сили полека доаѓа до својот крај.

Bugatti Chiron уште на самиот старт имаше солена цена, која почнуваше од околу 2,6 милиони евра, а со неколкуте специјални серии, меѓу кои највпечатлива беше лимитираната серија на La Voiture Noire (слободен превод – Црниот Автомобил) достигна цена од фантастични 16,1 милиони евра.

Информациите велат дека може да се нарачаат уште само моделите Pur Sport и Super Sport кои чинат од 3,1 до 3,4 милиони евра.