Новата блиндирана S класа

68
Mercedes-Benz S 680 GUARD 4MATIC

Црната Германска мачка, со блиндиран оклоп е моментно најпосакуваниот автомобил за превоз на државни претставници и странски делегати.

Луксузната S-Class на Mercedes Benz која го носи името S680 Guard, гарантира безбедно возење, дури и при терористички напад со дожд од куршуми и рачни бомби.

Новата лимузина на Mercedes доаѓа со VPAM VR10 сертификат (највисока можна антибалистичка заштита), што значи дека оваа тврдина на тркала би можела да издржи директен напад од автоматска пушка и детонација на две рачни гранати.

Фото – Mercedes Benz

S класата е масивна, тежи околу 5 тони, нејзините стакла се направени од повеќеслоен поликарбонат со дебелина од околу 4 инчи (околу 10 сантиметри), а возилото има и погон на сите тркала.

Гумите се Michelin PAX run-flat технологија, што му овозможува на возилото да продолжи да се движи повеќе од 30 километри, со дупната гума.

Што се однесува до моторот, овој ѕвер на тркала носи twin-turbo 6.0-литарски V-12 мотор, а максималната брзина, имајќи ја предвид тежината, е дефинирана на околу 190 километри на час, што во комбинација со заштитниот систем е сосема доволно за да се избегне терористички напад или атентат.

Моторот е спарен со девет степен автоматски менувач, а на специфичната тежина се прилагодени и суспензијата и управувањето.

Фотo – Mercedes-Benz

Официјалните податоци велат дека комфорот и луксузот во внатрешноста се исти како во новата луксузна S класа, иако, поради јасни причини, во ентериерот нема сончев кров.

Фото – Mercedes-Benz S 680 GUARD 4MATIC

Цената на овој автомобил е околу 547.000 евра.