Овој Септември, по минатогодишната Ковид-19 пауза, во Германија повторно ќе се одржи Саем за автомобили.
Овојпат го носи името IAA Mobility 2021, и наместо во Франкфурт, ќе се одржи во Минхен со времетраење од 07 до 12.09.
Логично, Германските прозводители, на кои Минхен им е домашен терен, се највозбудени и деновиве се трудат да го збогатат автомобилскиот настан со мноштво активности.
Еден од нив е и Mercedes Benz кои на Минхен му подарија една голема џиновска лебдечка арт инсталација, направена од рециклирачки влакна.
Инсталацијата е поставена на Одеонсплац, има димензии 24 со 21 метар и е дело на Американската уметница Џенет Екелман.
Постојано движечкото уметничко дело ќе биде поставено на плоштадот во Минхен до Октомври.
Луѓето во Мерцедес, ја поистоветуваат инсталацијата со нивната мобилност. Симболизира константна промена – во корелација со природата и природните сили.
А ова е вистински подарок за Минхен, кој и онака важи за град на музеи и колекции.
