Менувањето филтри, никогаш полесно

61

Италијанскиот производител на рачен и пневматски алат – USAG, во својата палета има неколку уникатни производи – кои ги именува како Иконски продукти (Iconic products).

Eден од нив секако е и :

Брзиот одвртувач на филтри за масло

Специјалната алатка има универзална примена и може лесно, едноставно и многу брзо да ги одврти сите филтри за масло кај патничките возила.

Составена е од два дела – пластична рачка и метална овална алка (која наликува на јамка – или ласо).

Кога со алката ќе го уловите (дофатите) филтерот за масло, на сцена стапува вртливиот прекинувач поставен на крајот од пластичната рачка.

Сврете го со врвот на палецот прекинувачот и со тоа ќе го активирате посебниот механизам – со кој јамката околу филтерот автоматски се затегнува.

Кога грипот врз филтерот ќе биде доволно силен, алатката се претвара во ефикасен одвртувач.

Ако не бевме дволно јасни во описот на функцијата, топло ви препорачуваме да го погледнете краткото видео на врвот од постот.

Рачката е долга 160мм, изработена од високоотпорна пластика, со која лесно се пристапува кон филтерот и се штеди многу време.

Универзалниот одвртувач на филтри за масло има капацитет – Ø 66÷105 mm), а достапен е сличен продукт и за комерцијални возила, камиони и автобуси.

Повеќе информации за продуктот, цената и начинот на порачка, можете да најдете на следниот линк.