Маск дава 100 милиони долари за почиста планета

26
Елон Маск. Фото - Youtube prt scr

Сопственикот на TESLA, Елон Маск, во своето интервју кое беше стримувано на Youtube, објави дека ја започнува најголемата иницијатива, во која ќе додели 100 милиони долари награда за оние иноватори кои имаат одржливо решение за отстранување на јаглеродот од атмосферата.

Тоа е уште еден напор, преку иновативни проекти да се запре климатската промена и глобалното затоплување на планетата.

Натпреварувањето ќе трае четири години, а во него ќе може да учествуваат сите, од студенти до професори, доктори и научници. Притоа, се бара јасно дефиниран процес со кој ќе се демонстрира како би можел да се извлече CO2 директно од атмосферата и океаните и да се складира и заклучи на безбедно место.

За да се освои главната награда, треба да се пронајде решение кое ќе гарантира отстранување на најмалку 1.000 тони годишно.