LIQUI MOLY годината ја завршува со рекордно производство на масла

153

Германскиот производител на моторни масла, адитиви и козметика за возила – LIQUI MOLY, според официјалната компаниска информација, ја завршува годината со рекордно производство.

Рекорд во производството на моторни масла

Оваа 2021 година, иако сериозно обременета со проблемите на Ковид кризата и дополнително оптоварена со турбулентните промени на цените на суровините и транспортните трошоци, LIQUI MOLY ја завршува со произведени 105.000 тони на моторно масло (рекорд во историјата на брендот).

Ваквите резултати претставуваат пораст на производството од 27%.

А ова се навистина врвни резултати, ако се земат предвид проблемите, кризата, недостатокот и сериозниот пораст на цените на суровините и транспортот.

Како што вели Ернс Прост, генералниот директор на LIQUI MOLY, “- Имавме огромни проблеми прво да ги обезбедиме потребните суровини за производство, а потоа и произведените артикли да ги доставиме до нашите купувачи.”

И покрај тоа, компанијата, во времето кога сериозно се зголемува палетата на моторни масла, се воведуваат нови масла за новите возила и се усложнува процесот за нивно производство, успеала да го постигне својот рекорд, должен за секаков респект.

Пораст на производството и на адитиви

И во линијата на производство на адитиви, со 16,3 милиони произведени продукти, остварен е пораст од 14% спредено со минатата година.

Според Ернст Прост, генералниот директор на компанијата, причините за ваквиот успех во тешкиот економски амбиент, треба да се бараат во врвниот тим кој успеал со креативност, импровизација и многу знаење, да ги надмине сите проблеми. Како и во сериозните инвестиции кои LIQUI MOLY со години наназад ги прави во модернизирање на производството и логистичката поддршка.