Времето се менува… со него и интересите и приоритетите.
Но… кога станува збор за легендарниот Американски Harley Davidson, веројатно малкумина веруваа дека “Hell’s Angels” некогаш ќе јаваат моторцикли и велосипеди на струја…
И веројатно… новиот концептен производ на Harley, и воопшто не е наменет за брадестите бунтовници со кожни јакни со бои (лого) на моторциклистичките клубови.
Но.. она што е јасно, е дека луѓето во Американскиот супербренд, сепак решија да ги фатат ветриштата на напредокот и да створат нова легенда за новите млади генерации, кои не наоѓаат возбуда и сатисфакција во мирисот на бензинот и бесниот звук на моторот.
Од тие причини Harley створи цела дивизија, со името – Serial 1, која ќе произведува електрични велосипеди, а моделот кој беше претставен како прв модел кој ќе биде понуден во лимитирана серија го носи работното име – Mosh-Tribute.
Велосипедот ќе се прави во три димензии, за да може да одговара на корисниците со различна височина и димензии, а одличен додаток на дизајнот и перформансите се и специјално наравените Moto-X гуми во бела боја.
Во фокусот на вниманието при изработката на гумите биле возните својства. Гумите имаат мал отпор при тркалањето и врвна апсорпција на удари, а тоа дава подобар комфор и уживање во возењето.
Велосипедот вози со Brose S MAG мотор кој испорачува максимална брзина до 32 километри на час, а енергијата во Mosh/Tribute се складира во 529 литиум јонска батерија.
Полната батерија на велосипедистот му дава автономија во возењето од 56 до 170 километри (зависно од начинот на кој се управува велосипедот).
Велосипедите на Harley Davidson (Serial 1) може да се набават во Европа по цена од 3.550 до 4.750 евра.
