Kинеските пожарникари со егзоскелетен систем

106
Фото - CASIC

Кинеските пожарникари ќе добијат специјален егзоскелетен систем, најнова иновација на Кинеските научници, со кој ќе се подобри нивната мобилност и заштита при гаснењето на шумски пожари.

Системот ќе може да се стави на телото во краток период од само 60 секунди, и со него пожарникарите ќе може да носат дополнителен товар од околу 50 килограми, а ќе можат и полесно да се движат на тешки терени.

Овој пожарникарски апгрејд е дело на корпорацијата за вселенска наука и индустрија – Aerospace Science and Industry Corp (CASIC).

Самиот систем тежи околу 5 килограми, а од него се очекува за 50% да ја намали потрошувачката на енергија на пожарникарите за одење, трчање, качување…

Новиот дизајн на кинеските научници, веќе се разгледува како опција со која би им се помогнало и на лицата со некаков хендикеп или намалена подвижност на делови од телото.