Како изгледа новиот резорт во Црна Гора

228

Новиот резорт за кој се зборува во регионот и надвор од него го носи името One&Only Portonovi.

Лоциран е на брегот на Јадранското Море, во Црна Гора и на 1 Мај, оваа година ги отвори своите врати за туристите.

Се работи за луксузен резорт, со 111 соби, апартмани и вили, кои се креирани во венецијански стил. Резортот има сопствена плажа, врвен спа центар и шеф на кујната кој има ѕвездички на Michelin.

Самиот резорт е дел од една поголема Портонови приказна, која опфаќа и нов хелиодром, како и нова марина за јахти која беше изградена во областа.

Повеќето апартмани имаат луксузен ентериер, сопствен камин, прекрасна тераса со поглед кон морето, а во резортот има одлично дизајнирани градини и надворешни базени.

Главниот ресторан нуди мени со влијание на Јужно Италијанската кујна, а во резортот се сместени и неколку други ресторани, со Азиска тапас храна во која се служи и саке, се пушта музика со ди џеи во живо, има неколку места за подготвување на храна на лице место, како и неизоставен коктел бар за врвно и луксузно уживање.

Спа центарот е вистинскиот епицентар за уживање и релаксација. Во него има внатрешни базени, хамам, места за хидротерапија, салон за убавина. А во соработка со Швајцарските експерти се нуди комбинација на модерни и кинески терапии за релаксирање и медицински масажи и интервенции.

Неизоставен дел од резортот е тениското игралиште, а за гостите се нудат и голем број на активности – возење со брз брод, јахти, крстарења по Јадранското море, прошетки во околината и во соседното Хрватско приморје.

Цената на сместувањето започнува од 595 евра.