Jato Dynamics ги објави бројките за продадени и регистрирани возила во Европа, во Септември 2021 година.
Неколку детали се издвојуваат како исклучително важни.
Американскиот производител на електрични автомобили Tesla, со својот Model 3, за прв пат успеа да се најде на врвот на табелата со вкупно продадени 24.591 возила, а со тоа од врвот на табелата го симна VW Golf.
Пазарот за нови автомобили, како резултат на недостатокот на чипови, падна за 25% на вкупно регистрирани 964,800 возила.
Според Jato Dynamics, клиентите не сакаат да чекаат на ново возило за една година, па затоа се вртат кон пазарот на користени автомобили.
Од друга страна, продолжува растот на продажбата на електрични возила во кои Tesla има маркет шер од 24%, Volkswagen Group освои 22%, Stellantis има 13% шер и Hyundai-Kia речиси 11%
Вака изгледа листата – Топ 10, на најпродавани автомобили во Европа:
Р.бр | Модел | Број на продадени возила |
1 | Tesla Model 3 | 24.591 |
2 | Renailt Clio | 18.264 |
3 | Dacia Sandero | 17.988 |
4 | Volkswagen Golf | 17.507 |
5 | Fiat 500 | 16.349 |
6 | Opel Corsa | 15.509 |
7 | Peugeot 2008 | 14.931 |
8 | Hyundai Tucson | 14.088 |
9 | Peugeot 208 | 13.895 |
10 | Renault Captur | 13.715 |
Интересен е и податокот кој јасно зборува за трендот – забележан е пораст на регистрираните возила на електричен погон за 44% на вкупно 221,500 возила, за сметка на дизелите кои се во слободен пад од 51% на 167,000 возила.