Голем успех за Peugeot

62

Во објавата на Linkedin, извршниот директор на Peugeot, Линда Џексон, ја поздрави работата на своите тимови, за освоеното прво место во продажбата во земјите од Европската Унија со малиот, урбан Peugeot 208.

Со продадени 60.957 возила, што претставува одличен пораст од 21% споредено со минатата година, Peugeot 208 го остави зад себе и легендарниот Golf (57.372 продадени возила, со пад во продажбата од сериозни 22%).

Следуваат Toyota Yaris и најмалиот во семејството на OPEL – легендарната Corsa (која е исто така дел од групацијата на PSA). Листата на топ 5 продадени автомобили во првиот квартал од 2021 година во ЕУ ја заокружува и Peugeot 2008.

Прв на продажната листа е и Peugeot 2008, како најпродаван SUV во Европа, повторно пред конкурентите од Волфсбург, VW T-Roc и VW Tiguan.