Ford развива кабел што ќе ги полни електричните возила за 5 минути

65
Извор - FORD

Гигантот од Детроит – FORD, ги здружи силите со Универзитетот Пардју, за да се изработи кабел кој само за 5 минути ќе ги полни батериите на електричните возила.

Тоа секако би водело до вистинска револуција во развојот на електричните возила, кај кои еден од најголемите проблеми е комплицираното и сеуште долго време на полнење.

Во моментов, брзината на полнење се движи од најбрзите 20-тина минути кај “Брзите” DC полначи, до 12-13 часа, кога електричниот автомобил се полни дома.

Според тоа, ова решение, за кое се вели дека сеуште бара уште многу работа, е навистина револуционерно.

Причината поради која полнењето преку актуелните полначи е споро, е поради фактот, што постоечките кабли не можат да издржат поголем проток на струја од постоечкиот која создава и огромна топлина, од која може да бидат предизвикани поголеми хаварии.

Според оскудните информации кои доаѓаат од Ford, иновацијата на која во моментов се работи е создавање на кабел, кој ќе може да издржи пет пати поголем проток на струја од постоечките, а за ладење ќе користи разладна течност вградена во кабелот која при високи температури ќе испарува… а со тоа и ќе го лади и штити кабелот.