Ќе се реализира ли планот на Кина за подводна железница до Америка

47
Фото - Freepik

Идејата, како во научно фантастичен филм, беше за прв пат објавена во 2014 година.

Според неа, Кина планираше масивен проект, со кој треба да се изгради брза железница со должина од 13.000 км.

Железницата требаше од Кина, преку Сибир, а потоа 200 км под вода да стигне до Алјаска, од каде ќе се движи до Канада и потоа Америка. Ваквиот проект беше бомбастично најавуван пред 7 години, како одличена начин за трговск поврзување помеѓу Кина, Русија, Канада и САД.

Но за краток временски период, овој проект стивна.

Една од причините веројатно е буџетот кој беше предвиден на околу 200 милијарди долари.

Секако, не помал е предизвикот да се изгради подводниот тунел од 200 км, кој е четири пати подолг од сегашните решенија како што се тунелот кој ги поврзува велика Британија и Франција и оној во Јапонија (врска меѓу Хокаидо и Хоншу) кои се до 50 километри во должина.

А дел од критичарите сметаа и дека превозот на стока и патници е многу поисплатлив и веќе поставен со авиони и карго бродови.

Од друга страна, дел од експертите сметаат дека овој проект има шанси да се реализира.

Особено затоа што претставува зелен начин на транспортирање, загадува многу помалку од другите методи, а целиот свет во моментов е фокусиран на заштитата на воздухот и природната средина. А дека не е невозможно, Кина уште еднаш сака да докаже градејќи брза железница со должина од 77 километри помеѓу Нингбо и Жусан (во Кина).

На крајот, за да се оствари овој голем проект, сигурно ќе треба да дојде и до какво такво нормализирање на односите помеѓу големите сили кои се ставени на трасата на супер брзиот воз од Кина.