Дубаи добива автобуси на струја

54

Градските власти за транспорт (RTA) во Дубаи ги пуштија пробно во употреба новите два автобуси на Volvo.

Aвтобусите во текот на експлоатација ќе се полнат со посебни исправени полначи, а навечер, кога не се во употреба ќе се полнат на фиксни полначи.

Комплетно наполнети, тие ќе може да минуваат до 200 километри (зависно од повеќе климатски фактори и начинот на кој автобусите ќе се експлоатираат).

Овој, своевиден експеримент, кој е поддржан и од  RTA, DEWA, Volvo Bus Co, Meraas Real Estate и ABB Group, кој ќе трае до март 2022 година има задача да покаже дали овој систем на превоз на патници, кој е дефинитивно еколошки ќе иде функционален за Дубаи.

Електричните автобуси се во склад со планот за воведување еколошки сообраќај во емиратот. Покрај автобусите предвидени се и такси возила на водороден погон, а во 2020 година веќе беше извршена промена на такси возилата на конвенционален погон со хибриди.