Дали е ова најскапиот автомобил на светот?

47

Според информациите кои циркулираат во светот на автомобилизмот, најскапиот автомобил во моментов е Bugatti Voiture Noire, кој чини околу 18,7 милиони долари.

Но со новиот кастомизиран модел Rolls-Royce Boat Tail, изработен специјално за анонимен мистериозен човек, се чини дека производителот на ултра скапи и луксузни автомобили сака да го грабне првото место на топ листата.

Автомобилот веднаш ги привлекува сите погледи со својата маркантна надворешност и темно азурно сина боја на хаубата која понатаму се прелева во светло сина боја.

Моторот, е оној стандарниот на Rolls-Royce, со зафатнина од 6.75 литри V-12.

Во задниот дел на овој кабриолет, Ролс Ројсот се отвара со две странични крила (како крилата на пеперутка), од кои излегува и чадор за сонце, што е уште една потврда дека сопственикот го креирал овој автомобил за врвно уживање во природата.

Во задниот дел е скриен уште еден таен кабинет од кој излегуваат шишиња со оладено шампањско.