Австралија сеуште се противи на автомобилите на струја

98
Aвстралија. Фото - Freepik

Во овој момент се чини дека Австралија е единствената развиена економија која упорно се противи на трендот во авто индустријата, да започне доминацијата на електричните возила.

Интересен е податокот деа во оваа земја, вкупниот маркет шер на новопродадени возила електричните автомобили изнесува мизерни 0,7%. За споредба оваа бројка во земјите од Европската Унија или во Велика Британија веќе достигнува околу 10%.

Во една студија се вели дека во овој поглед, конзервативната влада на Австралија каска и зад Турција и Индонезија.

Чудни се овие трендови, ако се земе предвид фактот дека транспортот и возилата учествуваат со 18% во вкупното загадување на воздухот во оваа земја.

Како и да е, властите и понатаму се опираат на идејата да даваат субвенции за набавка на електрични возила, или да се вклучи во изградба на мрежа на полначи во земјата… што секако ги фрустрира големите производители на овој тип на возила, кои мораат да го одлагаат лансирањето на своите глобални модели на електрична енергија во Австралија.

Во овој момент автомобилите на електричен погон поради недостатокот на субвенции од државата, чинат повеќе од истите модели на другите точки на планетата. И се додека оваа цена не се израмни со цената на бензинските и дизел возила, тешко дека ќе има некаков прогрес по ова прашање во Австралија.