Германскиот автомобилистички клуб – ADAC во своето последно тестирање за сезоната 2021/2022, за најдобра зимска гума во димензијата 195/65 R15 (која е сеуште една од најпопуларните димензии на гуми во нашата земја) ја избра гумата на Dunlop.
Се работи за моделот Dunlop SP Winter Response 2.
Интересно е дека во ADAC на второ место, во оваа димензија, беше избрана уште една гума (пневматик) од истата групација – Goodyear Ultra Grip 9+, со идентични 2,2 поени на тестот.
Следуваат и пневматиците на Michelin (Alpin 6) и Vredestein (Wintrack)
Треба да се потенцира дека методологијата на ADAC е точно утврдена и дефинирана и победникот се рангира зависно од комбинираните перформанси на гумата при што се бодуваат :
- перформанси на влажна подлога (30% oд конечната оценка),
- управливост на пат покриен со снег (20% од конечната оценка),
- управување на сува подлога (15%),
- управливост на замрзнати патеки (10% од конечната),
- животен век (10%),
- потрошувачка на гориво (10% ),
- генерирана бучавост (5% of the final mark).
Интересен методологија, ако се земе предвид фактот дека кај нас, возачите сметаат дека зимската гума треба да испорача добри својства – само кога патот е покриен со снег или мраз.
Во тестирањето луѓето од ADAC тестираните пневматици ги купуваат во малопродажба (не од фабриката) што значи дека не е возможно манипулирање на перформансите од страна на производителот.
Конечната табела од тестирањето е следната :
| Moдел | Поени | Финална оценка |
| Dunlop SP Winter Response 2 | 2.2 | добра (gut) |
| Goodyear Ultra Grip 9+ | 2.2 | добра (gut) |
| Michelin Alpin 6 | 2.3 | добра (gut) |
| Vredestein Wintrac | 2.3 | добра (gut) |
| BF Goodrich g-Force Winter 2 | 2.6 | задоволителна (befriedigend) |
| Continental WinterContact TS 860 | 2.7 | задоволителна (befriedigend) |
| Bridgestone Blizzak LM005 | 3.0 | задоволителна (befriedigend) |
| Falken Eurowinter HS01 | 3.0 | задоволителна (befriedigend) |
| Laufenn i FIT+ LW31+ | 3.0 | задоволителна (befriedigend) |
| Maxxis Premitra Snow WP6 | 3.0 | задоволителна (befriedigend) |
| Yokohama BlueEarth *Winter V906 | 3.1 | задоволителна (befriedigend) |
| Barum Polaris 5 | 3.2 | задоволителна (befriedigend) |
| Nokian WR Snowproof | 3.3 | задоволителна (befriedigend) |
| General Tire Altimax Winter 3 | 3.5 | задоволителна (befriedigend) |
| GT Radial Winterpro2 | 2.5 | задоволителна (befriedigend) |
| Kumho Wintercraft WP51 | 3.6 | задоволителна (ausreichend) |
Бонус видео
Неодамна, пишувавме и за победникот на тестирањето на зимски гуми од страна на Auto Bild, во димензијата 205/55 R16 (уште една референтна димензија во нашата земја) – погледнете на следниот линк.
